شبــــــــاب الفنية داجو ميدانى

شبــــــــاب الفنية داجو ميدانى

شبـــــــــاب الفنيية داجو ميدانى
 
الرئيسيةالبوابةس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» حفلة العناكب
الخميس أغسطس 28, 2014 1:00 pm من طرف dagoo

» حفلة اولاد ميامى
الخميس أغسطس 28, 2014 12:57 pm من طرف dagoo

» حقيقة ام خيال
الجمعة مارس 28, 2014 3:23 pm من طرف dagoo

» نكات عجيــــــــــــــــــــــــــــــبة
الأحد فبراير 16, 2014 4:15 pm من طرف dagoo

» احداث خطيرة فى السودان منقول
الأحد فبراير 16, 2014 4:10 pm من طرف dagoo

» فضختينا مع الاجانب يا بت القلعة
الأحد فبراير 16, 2014 3:56 pm من طرف dagoo

» كدا عيب يا ناس الجامعات
الأحد فبراير 16, 2014 3:44 pm من طرف dagoo

» فضيحة الفنانة ندى القلعة
الأحد فبراير 16, 2014 3:38 pm من طرف dagoo

» انت سودانى ارفع راسك فوق
الأحد فبراير 16, 2014 3:35 pm من طرف dagoo

ديسمبر 2018
الإثنينالثلاثاءالأربعاءالخميسالجمعةالسبتالأحد
     12
3456789
10111213141516
17181920212223
24252627282930
31      
اليوميةاليومية
التبادل الاعلاني

انشاء منتدى مجاني




شاطر | 
 

 عاشق عيونك

اذهب الى الأسفل 
كاتب الموضوعرسالة
dagoo
Admin


المساهمات : 120
تاريخ التسجيل : 30/01/2014
العمر : 27

مُساهمةموضوع: عاشق عيونك   الخميس يناير 30, 2014 11:40 am

ﺎﺷﻖ ﻋﻴﻮﻧﻚ ﻣﻦ ﺯﻣﺎﻥ ﻟﻜﻦ ﺧﻄﺎﻱ
ﻣﺘﺮﺩﺩﺓ
ﺧﺎﻳﻒ ﻳﻜﻮﻥ ﺩﺭﺑﻚ ﻋﺬﺍﺏ ﻭﻃﺮﻕ ﺟﺤﻴﻢ
ﻣﺘﻌﺪﺩﺓ
ﻓﻼﻧﻪ ﺻﺮﺍﺣﺔ ﺍﻗﻮﻻ ﻟﻴﻚ ﺣﺒﻚ ﺣﻘﻴﻘﺔ
ﻣﺆﻛﺪﺓ
ﻟﻜﻨﻲ ﺷﺎﻳﻒ ﺑﺎﻟﻐﻴﻮﻡ ﺍﻗﻄﺎﺭ ﺳﻤﺎﻛﻲ
ﻣﻠﺒﺪﺓ
ﺣﺒﻚ ﻣﻔﺎﺗﻴﺢ ﺍﻟﻬﻨﺎ ﻭﺃﺑﻮﺍﺏ ﻫﻨﺎﻳﺎ ﻣﻮﺻﺪﺓ
...............
ﺧﺎﻳﻔﺔ ﺃﺷﻘﻰ ﻭﺍﺑﺪﺃ ﺃﺑﻜﻲ ﻭﺍﺫﺭﻑ ﺍﻵﻫﺎﺕ ﻭﺣﻴﺪﺓ ﻟﻮ ﺯﻋﻠﺖ
ﺃﻣﻮﺕ ﻭﺃﺣﻴﺎ .. ﻭﻟﻮ ﺭﺿﻴﺖ ﺃﺿﺤﻚ ﺳﻌﻴﺪﺓ ﺗﺒﻘﻰ ﻫﺎﻣﺘﻚ
ﺃﻋﻠﻰ ﻫﺎﻣﺔ .. ﻭﺳﻄﻮﺗﻚ ﺷﺎﻣﺨﺔ ﻭﻣﺪﻳﺪﺓ ﻭﺇﻧﺖ ﺗﺒﻘﻰ ﻋﻠﻲَّ
ﻗﺼﺔ.. ﺃﻟﻒ ﺩﺭﺱ ﻭﺃﻟﻒ ﺣﺼﺔ .. ﻭﺍﻟﺤﻜﺎﻳﺎﺕ ﺩﻳﻚ ﻧﻌﻴﺪﺍ
ﻳﻮﻡ ﺗﻄﻞ ﺗﻔﺮﺡ ﺩﺭﻭﺑﻨﺎ .. ﻭﻳﻮﻡ ﺗﻐﻴﺐ ﻧﻘﻠﻖ ﻭﻧﺤﺰﻥ ..
ﻭﺗﺴﺮﺡ ﺍﻷﻓﻜﺎﺭ ﺷﺮﻳﺪﺓ ﻭﻳﻮﻡ ﺗﻌﻮﺩ ﺗﻤﻼﻧﺎ ﺑﻬﺠﺔ ﻭﻳﺒﻘﻰ
ﻟﻸﻳﺎﻡ ﺩﻩ ﻋﻴﺪﺍ ﺷﺎﻳﻠﺔ ﻫﻢ .. ﺃﺩﻣﻦ ﻋﻴﻮﻧﻚ ﺃﻧﺠﺮﻑ ﺑﻲ ﻓﻴﺾ
ﺟﻨﻮﻧﻚ ﺍﺳﺘﺮﻳﺢ ﺩﺍﺧﻞ ﺳﺠﻮﻧﻚ ..!!
.....................
ﻟﺴﺴﻪ ﺭﻳﺪﻙ __ ﻓﻴﻨﻲ ﺑﻜﺒﺮ!!!
ﻭﺍﻧﺖ ﺟﺎﻫﻞ؟؟
ﻣﺎﺍﺍﺍﺍ ﺃﻇﻨﻚ
ﺇﻧﺖ ﻋﺎﺭﻑ ﺍﻟﻔﻴﻨﻲ ﻭﺍﻛﺘﺮ
ﺇﻧﺖ ﻋﺎﺭﻑ ﻛﻴﻒ ﻫﻮﺍﻱ
ﻭﻛﻴﻒ ﻋﺸﻮﻗﻚ ﺑﻴﻚ ﺑﻴﺴﻜﺮ
ﻭﻻ ﻧﺎﻛﺮ ؟؟
ﻣﺎﺍﺍﺍ ﺃﻇﻨﻚ
ﺇﻧﺖ ﺟﻮﺍﻙ ﺑﻲ ﺑﺘﺸﻌﺮ؟
ﻉ ﺍﻟﻌﻤﻮﻡ ﺃﻧﺎ ﺭﻳﺪﻱ ﻇﺎﻫﺮ
ﻭﺇﻧﺖ __ﻛﻞ ﺍﻟﻔﻴﻚ ﺑﻴﻈﻬﺮ
ﺇﻧﺖ ﻣﺮﺗﺎﺡ؟؟
ﻣﺎﺍﺍ ﺃﻇﻨﻚ
ﺑﺲ ﻭﺣﺎﺗﻚ ﻓﻲ ﺳﻌﺎﺩﺗﻚ
ﺟﺪ ﺑﻔﻜﺮ _
ﻭﺑﻴﻬﺎ ﺑﺴﻌﺪ ﻣﻨﻚ ﺃﻛﺘﺮ
ﻭﻟﻮ ﻫﻮﺍﻱ ﺇﺕ ﻣﺎﻋﺮﻓﺘﻮ
ﻭﻣﺎﺍﺍﺍﺍ ﺃﻇﻨﻚ _
ﺑﻜﺮﻩ ﺗﻌﺮﻑ
ﻭﺑﻜﺮﻩ ﺗﻜﺒﺮ ...
______________________
ﺻﻠــﻴﺖ ﻋﻠﻴﻚ ﻓـﺮﺽ ﺍﻟﻐـﺮﺍﻡ ﻭﺗـﻠﻴﺖ
ﻋﻠﻴﻚ ﺍﺷﻌــﺎﺭﻱ ﺣﺐ ﺯﻛــﻴﺖ
ﻏــــــﺮﺍﻣﻚ ﻣــــــﺮﺗﻴﻦ ﻣـــــــﺮﻗﺘﻬﻦ
ﻓــــــﻀﻪ ﻭﺩﻫﺐ ﺑﻌﺪ ﺍﻟﺸــــــــﻬﺮ
ﺻﻤﺘﻚ ﺳﺘﻮﺕ ﻻﻋﻄﺸﺘﺎ ﻻﺣﺴﻴﺖ ﺗﻌﺐ
ﻟﻮ ﺍﺻﻠﻮ ﺭﻳﺪﻙ ﻟﻲ ﺻﻴــــــــــــﺎﻡ ﺍﻧﺎ
ﻛﻨﺖ ﺻﻤﺘﻚ ﻣﻦ ﺭﺟﺐ ﺍﻟﻨـــــــــــــﺎﺱ
ﺗﺤﺞ ﺑﺎﻟﻤﺴﺘﻄــــﺎﻉ ﻟﻜﻨﻲ ﺣﺠﻴﺘﻚ
ﻏﺼﺐ
............................
ﻭﻣﺮﻗﺘﻪ ﺯﻱ ﺷﻬﻘﺔ ﻧﻔﺲ
ﺑﻲ ﺳﺮﻋﺔ ﺩﺍﻓﺮﺍﻙ ﻟﻠﻤﺮﻭﻕ
ﻭﻛﺘﻴﻦ ﺧﻼﺹ ﺻﻮﺗﻲ ﺇﻧﺤﺒﺲ
ﻭﺩﻣﻲ ﺍﻟﻤﺪﻓﻖ ﻓﻲ ﺍﻟﻌﺮﻭﻕ
ﺇﺗﻮﺳﺪ ﺍﻟﺤﺰﻥ ﺍﻟﻘﻠﻴﺐ
ﻭﻓﻮﻕ ﺍﻟﻌﻴﻮﻥ ﺃﺗﺮ ﺍﻟﻤﺮﻭﻕ
ﻳﺎ ﻓﺮﺡ ﺍﻟﻌﻤﺮ ﺑﺮﺟﺎﻙ
ﻣﺤﻞ ﻣﺎ ﺷﻮﻗﻲ ﻳﻤﺸﻲ ﻳﺴﻮﻕ
ﺑﻘﻴﻒ ﻭﺳﻂ ﺍﻟﺪﺭﻭﺏ ﻭﺃﻧﺪﻩ
ﺑﺮﺍﺍﺍﺍﺍﻙ ﺟﻮﺍﻳﺎ ﺇﺕ ﻣﻌﺸﻮﻕ
ﺑﺮﺍﻙ ﺍﻟﺮﺍﺟﻴﺎ ﻟﻲ ﺷﺮﻳﻚ
ﻭﺩﻭﻧﻚ ﻟﻲ ﻣﻮﺗﻲ ﺑﻤﺸﻲ ﺷﻔﻮﻕ
...................
ﻭﺍﻟﻠﻪ ﺩﺍﻳﻤﺎً ﻓﻲ ﺍﻟﺨﻴﺎﻝ ﺇﺳﻤﻚ ﺣﺮﻭﻓﻮ
ﻣﺮﺩﺩﺓ
ﻟﻜﻨﻲ ﺑﻲ ﻃﺒﻌﻲ ﺍﻟﺨﺠﻮﻝ ﺻﺒﺤﺖ ﺣﻴﺎﺗﻲ
ﻣﻌﻘﺪﺓ
ﺃﻛﺘﺐ ﺃﺣﺎﺳﻴﺴﻲ ﻭﺻﺒﻮﺭ ﻭﺍﻟﻨﺎﺱ ﺗﻘﻮﻝ
ﻣﺘﺒﻠﺪﺓ
ﻟﻜﻨﻲ ﻣﻬﻤﺎ ﺃﻛﻮﻥ ﺻﺒﻮﺭ ﻗﺪﺭﺍﺗﻲ ﺑﺮﺿﻮ
ﻣﺤﺪﺩﺓ
ﺣﺒﻚ ﻣﻔﺎﺗﻴﺢ ﺍﻟﻬﻨﺎ ﻭﺃﺑﻮﺍﺏ ﻫﻨﺎﻳﺎ ﻣﻮﺻﺪﺓ
ﻗﻮﺓ ﺷﻌﻮﺭ ﻓﻮﻕ ﺍﻟﻮﺻﻒ ﺷﻌﻠﺔ ﺣﻤﺎﺱ
ﻣﺘﻮﻗﺪﺓ
...................
ﺪﻭﻥ ﺃﺳﺒﺎﺏ ﺗﺨﺎﺻﻤﻨﺎ
ﻭﺗﺎﻧﻲ ﺗﻌﻮﺩ ﺗﻜﻠﻤﻨﺎ
ﻓﻴﻚ ﻳﺎ ﻏﺎﻟﻲ ﺇﺣﺘﺮﻧﺎ
ﺗﻔﺮﺣﻨﺎ ﻭﺗﻌﺬﺑﻨﺎ
ﻭﺑﺮﺿﻮ ﻧﺤﻨﺎ ﺑﻨﺤﺒﻚ
ﺟﻤﺎﻝ ﻋﻴﻨﻴﻚ ﺑﻴﺴﻜﺮﻧﺎ
ﻭﻳﻮﻡ ﺗﺼﺒﺢ ﺗﻜﻮﻥ ﻓﺮﺣﺎﻥ
ﺑﺄﺣﻠﻲ ﻛﻼﻡ ﺗﻮﻧﺴﻨﺎ
ﻋﻠﻴﻨﺎ ﺗﻈﻬﺮ ﺍﻟﺒﺴﻤﺎﺕ
ﻋﻠﻴﻬﺎ ﺍﻟﻨﺎﺱ ﺑﺘﺤﺴﺪﻧﺎ
ﻭﺗﺎﻧﻲ ﺗﻌﻮﺩ ﺗﺨﺎﺻﻤﻨﺎ
ﺑﺪﻭﻥ ﻣﺎ ﻧﻌﺮﻑ ﺍﻷﺳﺒﺎﺏ
ﺑﺴﺄﻝ ﺁﻳﻪ ﺳﺒﺐ ﺯﻋﻠﻚ
ﻣﺤﺎﻝ ﻟﺴﺆﺍﻟﻨﺎ ﻧﻠﻘﻲﺟﻮﺍﺏ
ﺗﻤﺮ ﺑﺠﻮﺍﺭﻧﺎ ﻣﺎﺗﺴﻠﻢ
ﻛﺄﻧﻮ ﻧﺤﻨﺎ ﻧﺎﺱ ﺃﻏﺮﺍﺏ
ﻭﻧﺤﻨﺎ ﻣﺼﻴﺮﻧﺎ ﺑﺲ ﻧﺼﺒﺮ
ﻋﻠﻴﻚ ﻣﺎﺑﻨﺮﻣﻲ ﺃﺻﻠﻮ
ﻋﺘﺎﺏ
.................
ﺍﻟﻠﻪ ﻣﻦ ﺍﻟﺸﻮﻕ ﺍﻟﻌﻠﻲ
ﻣﻜﺴﻮﻑ ﺃﻭﺻﻔﻮ ﻓﻲ ﻏﻨﺎﻱ
ﻭﻛﺘﻴﻦ ﻳﻔﻴﺾ ﺑﻲ ﺣﻨﻴﻨﻲ ﻟﻴﻚ
ﻭﺍﺳﻤﻊ ﺭﻧﻴﻦ ﺻﻮﺗﻚ ﻭﺭﺍﻱ
ﻛﺄﻧﻲ ﺑﺴﺘﻨﺸﻖ ﺷﺬﺍﻙ
ﻟﺤﻈﺎﺕ ﺧﻴﺎﻟﻚ ﻓﻲ ﺣﺪﺍﻱ
ﺯﻱ ﺣﻮﺟﻪ ﺍﻟﺮﻭﺡ ﻟﻠﻨﻔﺲ
ﺍﻧﺎ ﻫﺴﻲ ﻣﺤﺘﺎﺟﻠﻚ
ﻣﻌﺎﻱ
................
ﻋﻔﻮﺍ" ﺍﺫﺍ ﺍﻟﺸﻮﻕ ﺍﻟﻤﻌﺎﻱ
ﺧﺎﻃﺮﻭ ﺍﻧﻜﺴﺮ،،
ﻋﺰﺭﺍ" ﺍﺫﺍ ﻟﻐﺔ ﺍﻟﺤﻨﻴﻦ
ﺻﺎﺑﺎ ﺍﻟﺴﻜﺎﺕ
ﺟﻬﺠﻪ ﺃﻧﻴﻨﺎ ﻭﺇﻧﺘﺼﺮ،،
ﺩﻏﺪﻍ ﺳﻜﻮﻥ ﺍﻟﺪﻫﺸﻪ
ﻓﻲ ﺟﻮﻑ ﺍﻟﻤﺪﺍﺩ
ﺳﺎﺳﻖ ﻋﻠﻲ ﺁﻫﺎﺕ
ﻓﺆﺍﺩﻱ ﻭﻣﺎﻓﺘﺮ،،
ﻭﺍﻧﺎ ﺑﻴﻦ ﺳﻜﻮﻧﻚ ﻑ ﺩﻭﺍﺧﻠﻲ
ﻭﻣﺮﻗﺘﻚ
ﻣﺤﺘﺎﺭﺓ ﻓﻲ ﺣﻜﻢ ﺍﻟﻘﺪﺭ،،
ﻛﻴﻔﻦ ﻗﺪﺭﺕ ﺍﺳﺘﻮﻃﻨﻚ
ﻭﺍﻧﺖ ﺑﺘﻮﺳﺪ ﺯﺍﺗﻲ
ﻧﻴﺮﺍﻥ ﺍﻟﺼﺒﺮ،،،
ﻛﻴﻔﻦ ﺗﻜﻮﻥ ﻋﻨﺼﺮ ﻭﺟﻊ
ﺯﺭﺍﺗﻮ ﻓﻲ ﻛﺮﻳﺎﺕ ﺩﻣﺎﻱ
ﻑ ﺍﻟﺒﻴﻀﺎ ﻣﻦ ﻗﺒﻞ ﺍﻟﺤﻤﺮ،،
ﻛﻴﻔﻦ ﻗﺪﺭﺕ ﺗﻜﻮﻥ ﺃﻣﻞ
ﻣﻴﻼﺩﻭ ﻛﺎﻥ ﻳﻮﻡ ﺇﺣﺘﻀﺮ،،
ﻛﻴﻔﻦ ﺳﺤﺎﺑﺎﺗﻚ ﺗﻘﻴﻞ ﻓﻮﻕ ﺳﻤﺎﻱ
ﻭﺗﺮﺣﻞ ﻏﻴﻮﻣﻚ ﺑﺎﻟﻤﻄﺮ،،
ﻱ ﺯﻭﻝ ﻛﺘﻴﻴﺮ ﺑﺘﻜﻴﻔﻚ،،
ﺯﻱ ﺗﻨﺘﻨﺔ ﺑﻨﺎﺗﻲ ﻓﻲ ﺭﺣﻢ ﺍﻟﻘﺼﻴﺪ
ﺑﺘﻘﺮﻳﻔﻚ،،
ﻭﺑﻲ ﻛﻞ ﻣﻀﺎﻣﻴﻦ ﺍﻟﻌﺸﻖ
ﻭﺍﻟﻜﺎﻥ ﺟﻤﻴﻞ ﻱ ﺳﻴﺪ ﻫﻮﺍﻳﺎ ﺑﺤﻠﻔﻚ،،
ﻣﺎ ﺗﺴﺮﺳﺐ ﺍﻟﺮﻳﺪﻩ ﻭﺗﻌﻴﺪ
ﺷﺎﻥ ﺧﺎﻃﺮﻱ ﻣﺎ ﻳﺴﺘﻨﺰﻓﻚ،،
ﻱ ﺯﻭﻝ!!
ﻱ ﺯﻭﻝ ﻭﺣﺎﺕ ﺍﺍﺣﺴﺎﺳﻲ ﺑﻴﻚ
ﺍﻧﺎ ﻑ ﻣﺸﺎﻭﻳﺮ ﺭﻳﺪﺗﻲ ﺟﺪ ﺑﺘﺄﺳﻔﻚ،،
.......................
ﺍﻟﺪﻧﻴﺎ ﺧﺪﺍﻉ ﻭﺍﻟﻨﺎﺱ ﺃﻧﻮﺍﻉ
ﻧﺎﺱ ﺗﺪﻳﻚ ﺇﺣﺴﺎﺱ ﺑﺎﻟﺤﺐ
ﻭﻧﺎﺱ ﻓﻲ ﺍﻟﻨﺎﺱ ﻣﺎ ﺑﺘﺨﺸﻲ ﺍﻟﺮﺏ
ﻭﻋﺎﺩﻱ ﺍﻟﻐﺎﻟﻲ ﺭﺧﻴﺺ ﺑﺘﺒﺎﻉ
ﻧﺎﺱ ﺗﻀﺤﻜﻠﻚ ﻟﻤﺎ ﺗﺸﻮﻓﻚ
ﻭﻧﺎﺱ ﺗﻤﺴﺤﻠﻚ ﺣﺰﻧﻚ ﻭﺧﻮﻓﻚ
ﻭﻧﺎﺱ ﺗﻔﺘﺤﻠﻚ ﻳﻮﻣﻲ ﺟﺮﻭﺣﻚ
ﺣﺘﻲ ﺍﻟﺮﻳﺪ ﺑﻘﻲ ﺁﺧﺮﻭ ﺿﻴﺎﻉ
ﺣﻜﺎﻭﻱ ﺍﻟﺮﻳﺪ ﺍﻟﺒﻴﻦ ﺇﺗﻨﻴﻦ
ﺑﻘﺖ ﻣﻌﺮﻭﻓﻪ ﻧﻬﺎﻳﺘﻮ ﻣﺘﻴﻦ
ﺃﻭﻟﻮ ﻏﻴﺮﻩ ﻭﺧﻮﻑ ﻭﺣﻨﻴﻦ
ﺃﺧﺮﻭ ﺧﻴﺎﻧﻪ ﻭﺯﻳﻒ ﻭﺧﺪﺍﻉ
ﺻﺎﺣﺒﻚ ﻭﺧﻠﻚ ﻭﻛﺎﺗﻢ ﺳﺮﻙ
ﺑﺮﺿﻮ ﺑﺨﻮﻧﻚ ﻭﻋﺎﺩﻱ ﺑﻀﺮﻙ
ﻣﺎ ﺗﺘﻮﻗﻊ ﺯﻭﻝ ﻳﺤﺰﻧﻠﻚ
ﺩﻣﻌﻚ ﻟﻤﻮ ﻭﺩﺳﻮ ﺳﺮﺍﻉ
ﻣﺎ ﺗﺴﺘﺄﻣﻦ ﺯﻭﻝ ﻓﻲ ﻧﻔﺴﻚ
ﻣﺎﻓﻲ ﻭﺟﻴﻊ ﻓﻲ ﺣﻀﻨﻮ ﺑﺪﺳﻚ
ﻭﻣﺎ ﺗﺘﺪﺧﻞ ﻓﻲ ﺍﻟﻤﺎ ﺑﺨﺼﻚ
ﻋﺎﺩﻱ ﺑﻘﻮﻟﻮ ﻋﻠﻴﻚ ﺧﺪﺍﻉ
ﺻﻔﻲ ﺍﻟﻨﻴﻪ ﻭﻋﻴﺶ ﺃﻳﺎﻣﻚ
ﺃﻛﺘﻢ ﺳﺮﻙ ﻭﺩﺱ ﺃﺣﻼﻣﻚ
ﻭﺯﻉ ﺑﺴﻤﺔ ﻭﻓﺸﻲ ﺳﻼﻣﻚ
ﺗﻠﻘﻲ ﺻﻔﺎﺕ ﻓﻲ ﺍﻟﻨﺎﺱ ﺃﻧﻮﺍﻉ
............................
ﺍﻟﻌﺰﻳﺰﺓ ﺍﻟﻤﺎ ﺑﺘﺴﺄﻝ ﻋﻦ ﻇﺮﻭﻓﻨﺎ
ﺍﻟﻮﺣﻴﺪﺓ ﺍﻟﻄﺎﻝ ﻋﺸﺎﻥ ﺟﻴﺘﻚ ﻭﻗﻮﻓﻨﺎ
ﺍﻟﻌﺰﻳﺰﺓ ﺍﻟﻤﺎ ﺑﺘﺴﺄﻝ ﻋﻦ ﻇﺮﻭﻓﻨﺎ
ﺍﻟﻮﺣﻴﺪﺓ ﺍﻟﻤﺎ ﺑﺘﺤﺎﻭﻝ ﻳﻮﻡ ﺗﺸﻮﻓﻨﺎ
ﺍﻟﻤﻮﺍﻋﻴﺪ ﻟﺴﺔ ﺣﺰﻧﺎﻧﺔ ﺑﺘﻨﺎﺩﻱ
ﻭﺍﻷﻣﺎﺳﻲ ﺑﺘﺒﻜﻲ ﻓﻲ ﺃﺳﻰ ﻣﺎ
ﺇﻋﺘﻴﺎﺩﻱ
ﻣﺎ ﻛﻨﺘﻲ ﺑﻬﺠﺘﺎ ﺑﺮﺍﻭﺋﻊ ﻗﻮﺱ ﻗﺰﺡ
ﻭﺍﻟﻠﻪ ﻣﺎ ﻃﻼﻧﺎ ﻣﻦ ﺑﻌﺪﻙ ﻓﺮﺡ
ﺳﻠﻤﻴﻠﻨﺎ ﻋﻠﻰ ﺿﻔﺎﻳﺮﻙ ﻣﻮﺟﺔ ﻣﻮﺟﺔ
ﻭﻛﻠﻤﻴﻬﺎ
ﻗﻮﻟﻲ ﻟﻴﻬﺎ ﺣﺮﺍﻡ ﺗﺘﻮﻩ ﻓﻴﻬﺎ ﺍﻟﻤﻮﺍﺳﻢ
ﻭﻧﺤﻨﺎ ﺑﺎﻟﺠﺪ ﻧﺸﺘﻬﻴﻬﺎ،
ﺳﻠﻤﻴﻠﻨﺎ ﻋﻠﻰ ﻋﻴﻮﻧﻚ ﻳﻮﻡ ﺗﺴﻬﻲ
ﺗﻐﺮﻭﺩﻳﻬﺎ
ﻭﻳﺒﻘﻮ ﺗﻔﺎﺣﺘﻴﻦ ﺧﺪﻭﺩﻙ ﺑﺲ ﺧﺪﻭﺩﻙ
ﻭﻳﻦ ﺷﺒﻴﻬﺎ،
ﺳﻠﻤﻴﻠﻨﺎ ﻋﻠﻲ ﻳﺪﻳﻨﻚ ﻭﺷﻤﻠﺔ ﺍﻟﺮﻳﺪ
ﺃﻧﺴﺠﻴﻬﺎ
ﺳﻠﻤﻴﻠﻨﺎ ﻋﻠﻲ ﺧﻄﺎﻛﻲ ﻋﺰﺓ ﺍﻟﻌﺎﻣﻠﺔ
ﻭﻣﺸﻴﻬﺎ
ﻭﺍﻟﻠﻪ ﺃﺣﻀﺎﻧﻚ ﺑﻠﺪ ﻳﺎ ﺣﻠﻮﺓ ﻣﺎ ﺗﻨﺴﻴﻨﺎ
ﻓﻴﻬﺎ
===================
ﺍﺑﻘﻲ ﻭﺍﻋﻲ ﻣﻊ ﺍﻟﺒﺮﻳﺪﻙ
ﻭﻣﻬﻤﺎ ﻳﻘﺴﻲ ﻋﻠﻴﻚ ﺭﻳﺪﻭ
ﺷﻴﻞ ﻣﻦ ﺍﻻﻓﺮﺍﺡ ﻭﺍﺑﺴﻢ
ﻭﻛﻞ ﻣﺎﻳﻘﺴﻲ ﻋﻠﻴﻜﺎ ﺯﻳﺪﻭ
ﻭﺧﻠﻲ ﻛﻞ ﻳﻮﻣﺎ ﻳﻌﺪﻱ
ﺗﺒﻘﻲ ﺍﻧﺖ ﻋﻠﻴﻬﻮ ﺳﻴﺪﻭ
ﻣﺮﻩ ﺑﺴﻤﻪ ﻭﺗﺎﻧﻲ ﺿﺤﻪ
ﺧﻠﻲ ﻧﻔﺴﻚ ﺍﻧﺖ ﻋﻴﺪﻭ
ﻭﺧﻠﻲ ﻛﻞ ﺍﻟﺪﻧﻴﺎ ﻓﺮﺣﻪ
ﻭﺍﻧﺖ ﺗﻤﻠﻚ ﻛﻞ ﺟﺪﻳﺪﻭ
ﻭﺗﺒﻘﻲ ﺍﻧﺖ ﺑﺮﺍﻙ ﻣﻠﻜﺘﻮ
ﻭﺣﺒﻚ ﻳﻄﻠﻊ ﻣﻦ ﻭﺭﻳﺪﻭ
ﺍﻳﻮﻩ ﺻﺎﺡ ﺍﻟﺤﺐ ﺑﻴﺨﻠﺪ
ﺑﻴﻦ ﺣﺒﻴﺐ ﻭﺣﺒﻴﺐ ﺣﺒﻴﺒﻮ
ﻳﺒﻘﻲ ﻧﺎﻝ ﺣﺒﻚ ﻗﻠﻴﺒﺎ
ﺯﺍﻫﻲ ﻣﻘﺴﻮﻡ ﻣﻦ ﻧﺼﻴﺒﻮ
ﻭﺍﻭﻋﻲ ﻳﻮﻡ ﺗﻨﻐﺮﻩ ﺑﻌﺪﻭ
ﺑﻜﺮﻩ ﻳﻠﻘﺎﻙ ﻧﺎﺭ ﻟﻬﻴﺒﻮ
ﺻﺢ ﺣﻘﻴﻘﻪ ﺍﻟﺤﺐ ﺑﻴﺴﺮﻱ
ﻭﻳﺼﺒﺢ ﺍﺻﺪﺡ ﻋﻨﺪﻟﻴﺒﻮ
ﻭﻳﺒﻘﻲ ﻛﻞ ﺍﻟﻌﺸﺘﻮ ﺑﻌﺪﻭ
ﻣﻦ ﻓﺮﺍﻕ ﻟﻲ ﻭﻳﻦ ﺗﺠﻴﺒﻮ
ﺍﺑﻘﻲ ﺍﻋﺮﻑ ﺍﻧﻮ ﺍﻧﺖ
ﻛﻨﺖ ﺗﺴﻜﻦ ﻓﻲ ﻗﻠﻴﺒﻮ
ﻭﻣﻬﻤﺎ ﻛﺎﻥ ﺳﺒﺐ ﺍﻟﺘﺠﺎﻓﻲ
ﺑﺮﺿﻮ ﺍﺭﺟﻊ ﻋﺸﺎﻥ ﺗﻬﻴﺒﻮ
ﻭﻳﺒﻘﻲ ﺑﻠﺴﻢ ﻓﻲ ﺍﻳﺪﻳﻜﺎ
ﻭﻛﻞ ﻳﻮﻡ ﺗﻀﻮﻕ ﻧﺼﻴﺒﻮ
ﻛﻠﻤﻪ ﻣﻨﻚ ﻭﺯﻭﻕ ﺑﻴﻔﻬﻢ
.................................
ﺑﺘﻤﻨﻰ ﺃﻧﺴﺎﻙ ﻭﺃﻛﺮﻫﻚ ..
ﺑﺘﻤﻨﻰ ﻣﻦ ﻛﺘﺮ ﺍﻟﺠﺮﻭﺡ ﺍﻟﻔﻴﻨﻰ
ﻟﻮ ﻳﻮﻡ ﺃﺟﺮﺣﻚ ..
ﺑﺘﻤﻨﻰ ﺃﺑﻘﻰ ﺷﺠﺎﻉ ﺟﺪ
ﻣﻊ ﻧﻔﺴﻰ ﻭﺃﻗﺪﺭ ﺃﺷﺮﺣﻚ ..
ﻣﺎ ﺃﻧﺖ ﻭﺍﺿﺢ ﻭﻣﺎﺑﺘﺪﺱ
ﻻﻙ ﻓﺎﻫﻢ ﺍﻟﺤﺐ ﻻ ﺍﻟﻐﺮﺍﻡ ..
ﻻ ﺣﺎﺯﻯ ﻓﻰ ﻧﻔﺴﻚ ﺧﺼﺎﻡ ..
ﻻ ﺑﺘﻮﺟﻌﻚ ﻟﺤﻈﺔ ﺻﺪﺍﻡ ..
ﻻ ﺑﺘﺴﻌﺪﻙ ﺳﺎﻋﺔ ﺳﻼﻡ ..
ﻻ ﺑﻐﻴﺮﻙ ﻛﺘﺮ ﺍﻟﻤﻼﻡ ..
ﻻ ﻣﺮﺓ ﺷﻮﻗﻚ ﻟﻰ ﻏﻠﺐ
ﺍﻭ ﺩﺑﺖ ﻣﻦ ﻧﺎﺭ ﺍﻟﻐﺮﺍﻡ ..
ﻭﺃﻧﺎ ﺯﻯ ﻣﺨﺪﺭﻧﻰ ﺍﻟﻌﺸﻖ
ﻭﺃﻧﺎ ﻋﺸﻘﻰ ﺣﺎﻟﺔ ﺃﻧﻬﺰﺍﻡ ..
ﻟﻮ ﺩﻳﻤﺎ ﺗﻬﺪﻳﻨﻰ ﺍﻟﻮﺟﻊ
ﺃﻧﺎ ﺩﻳﻤﺎ ﺑﻬﺪﻳﻚ ﺃﺣﺘﺮﺍﻡ ..
ﻟﻮ ﺃﻧﺖ ﻣﺘﻨﺎﻏﺾ ﻫﻮﺍﻙ
ﺃﻧﺎ ﺩﻳﻦ ﻫﻮﺍﻯ ﺍﻷﻧﺴﺠﺎﻡ ..
ﺑﺎﻛﺮ ﺗﻀﻴﻖ ﺍﻟﺪﻧﻴﺎ ﺑﻴﻚ
ﺗﺮﺟﻊ ﺗﻌﻴﺪ ﻧﻔﺲ ﺍﻟﻜﻼﻡ ..
ﺗﺮﺟﻊ ﺗﻘﻮﻝ ﺑﺘﺤﺒﻨﻰ
ﻭﺃﻧﻮ ﺍﻟﻔﺮﺍﻕ ﺃﺻﻼ ﺣﺮﺍﻡ ..
ﻭﺃﻧﺎ ﺩﻳﻤﺎ ﺑﻴﻚ ﻣﺘﻌﻮﺩ
ﺃﻧﺴﻰ ﺍﻟﺤﺼﻞ ﻭﺃﻧﺴﻰ ﺍﻟﺨﺼﺎﻡ ..
ﻭﺃﻧﺎ ﺷﺎﻥ ﺑﺤﺒﻚ ﻭﺑﻌﺸﻘﻚ
ﺑﺮﺟﻊ ﺑﺒﺎﺩﺭ ﺑﺎﻟﺴﻼﻡ ..
ﺑﺮﺟﻊ ﺑﺼﺪﻕ ﻛﻠﻤﺘﻚ
ﻟﻮ ﻃﺎﻝ ﺣﺪﻳﺜﻚ ﻓﻴﻨﻰ ﻻﻡ ..
ﻣﺎ ﺍﻟﺮﻳﺪﺓ ﺍﺻﻼ ﺑﺸﺘﻨﺔ
ﺑﺘﺤﻠﻞ ﺍﻟﺤﻞ ﻭﺍﻟﺤﺮﺍﻡ ..
ﺷﺎﻥ ﻣﺎﻙ ﻋﺎﺭﻑ ﺍﻟﺮﻳﺪﺓ ﺍﻳﺔ
ﺍﺳﻤﻊ ﻛﻼﻣﻰ ﺍﻟﻠﻴﻠﺔ ﻫﺎﻡ ..
ﺍﻟﺮﻳﺪﺓ ﻧﻈﺮﻩ ﺷﻮﻕ ﺷﺪﻳﺪ
ﻣﻦ ﺭﻣﺶ ﻫﺪﺍﻫﻮ ﺍﻟﻌﻄﺶ
ﻋﻦ ﻏﻴﺮ ﻋﻴﻮﻥ ﻣﺤﺒﻮﺑﻮ ﺻﺎﻡ ..
ﺍﻟﺮﻳﺪﺓ ﺿﺤﻜﺔ ﻭﺃﺑﺘﺴﺎﻡ ..
ﺍﻟﺮﻳﺪ ﺗﻨﺎﺳﻖ ﻭﺃﻧﺴﺠﺎﻡ ..
ﺍﻟﺮﻳﺪﺓ ﺃﺣﺴﺎﺱ ﺑﺎﻟﺴﻼﻡ ..
ﺃﺣﺴﺎﺱ ﻭﺳﺎﻉ ﻭﺳﻂ ﺍﻟﺰﺣﺎﻡ ..
ﻭﺍﻟﺮﻳﺪﺓ ﻗﻠﺒﻴﻦ ﺍﻟﺘﻘﻮﺍ
ﺣﻔﻈﻮﺍ ﺍﻟﻌﻬﻮﺩ ﻭﺍﻟﻌﻬﺪ ﺩﺍﻡ ..
ﺷﺎﻥ ﻛﻞ ﺩﺍ
ﻣﺎ ﺍﻇﻨﻰ ﺍﻗﺪﺭ ﺃﻛﺮﻫﻚ ..
ﻣﺎ ﺍﻇﻨﻰ ﺑﻰ ﺭﻏﻢ ﺍﻟﺠﺮﻭﺡ
ﺍﻟﻔﻴﻨﻰ ﻳﺎ ﺯﻭﻝ ﺃﺟﺮﺣﻚ ..
ﻣﺎ ﺍﻇﻨﻰ ﺍﺑﻘﻰ ﺷﺠﺎﻉ ﺟﺪ
ﻣﻊ ﻧﻔﺴﻰ ﻭﺃﻗﺪﺭ ﺃﺷﺮﺣﻚ
.........................
ﻭﺣﺎﺕ ﺍﻟﻜﺎﻥ ﺑﻴﺠﻤﻌﻨﺎ
ﻭﺩﻓﻨﺎ ﺑﺮﺍﻧﺎ ﻓﻲ ﺗﺎﺑﻮﺕ
ﻭﻻﻓﺎﺭﻕ ﻣﻌﺎﻱ ﺻﻮﺗﻚ
ﺍﺧﻴﺮ ﻟﻲ ﺍﻣﻸ ﻗﻠﺒﻲ ﺳﻜﻮﺕ
ﻭﻻﻓﺎﺭﻕ ﻣﻌﺎﻱ ﻫﻤﺴﻚ
ﻭﻻ ﺭﺟﻊ ﺍﻟﺼﺪﻱ ﺍﻟﻤﻜﺘﻮﺏ
ﻣﻴﻘﻨﺔ ﺑﻲ ﻣﺼﻴﺮﻱ ﻣﻌﺎﻙ
ﻭﺭﺍﺿﻴﺔ ﺑﺤﻜﻤﺔ ﺍﻟﻤﻠﻜﻮﺕ
ﺍﻧﺎﺍﻟﺴﻤﻴﺖ ﻫﻮﺍﻙ ﺍﻟﺮﻭﺡ
ﻓﺘﺤﺘﻚ ﻓﻲ ﺩﻭﺍﺧﻠﻲ ﺟﺮﻭﺡ
ﻭﺍﻧﺎ ﺍﻟﻬﺴﻊ ﺑﻘﻮﻝ ﻟﻚ ﺭﻭﺡ
ﻭﺷﻴﻞ ﺻﻔﻖ ﺍﻟﻤﻨﻲ ﺍﻟﻤﺤﺘﻮﺕ
ﺧﻼﺹ ﻧﺠﺾ ﺍﻟﻜﻼﻡ ﻭﺍﻟﺮﺩ
ﻭﺩﺍﻋﺂ ﻣﻨﻲ ﺍﺣﺴﻦ ﻓﻮﺕ
ﻫﻮ ﻗﺎﻳﻞ ﻧﺤﻦ ﺭﺍﺟﻴﻨﻚ
ﻋﻠﻲ ﻛﻴﻔﻚ ﺗﻌﻴﺶ ﻭﺗﻤﻮﺕ؟
ﻭﺣﺎﺕ ﺻﺒﺮﻱ ﺍﻟﺼﺒﺮﺗﻮ ﻋﻠﻴﻚ
ﻭﺩﻣﻊ ﺍﻟﺬﻛﺮﻳﺎﺕ ﺍﻟﻄﺎﻝ
ﺩﺧﻮﻟﻚ ﻓﻲ ﺍﻟﻘﻠﺐ ﻣﻤﻨﻮﻉ
ﺭﺟﻮﻋﻚ ﻓﻲ ﺩﻭﺍﺧﻠﻲ ﻣﺤﺎﻝ
ﺳﻼﻡ ﻓﺠﺮ ﺍﻟﻔﺮﺍﻕ ﺍﻟﻄﻞ
ﻏﻴﺎﺑﻚ ﻋﻨﺪﻱ ﺍﺣﺴﻦ ﺣﻞ
ﻭﻻﺗﺄﺳﻒ ﻋﻠﻲ ﺍﻻﻃﻼﻝ
ﻭﺩﺍﻋﺂ ﻳﺎﻭﺟﻊ ﻻ ﺯﺍﻝ
ﻳﻄﻌﻦ ﻓﻲ ﻧﻮﺍﺻﻲ ﺍﻟﺠﻮﻑ
ﻳﻔﺮﺗﻖ ﻓﻲ ﺿﻔﺎﻳﺮ ﺍﻟﻔﺎﻝ
ﻭﺩﺍﻋﺂ ﻭﺍﻟﻘﻠﺐ ﻣﻬﺰﻭﻡ
ﻭﺩﺍﻋﺂ ﻭﺍﻟﻮﺟﻊ ﻻ ﺯﺍﻝ
...........................
ﺧﻠﻴﺘﻨﻰ ﻓﻰ ﻧﺺ ﺍﻟﻄﺮﻳﻖ ﻟﻠﺤﻴﺮﻩ
ﻭﺍﻷﺳﻰ ﻭﺍﻟﻨﺰﻳﻒ
ﻭﺇﺧﺘﺮﺗﺎ ﺗﺠﺮﻯ ﻭﺭﺍ ﺍﻟﺴﺮﺍﺏ ﻭﺗﺒﺎﺭﻯ ﺭﻳﺪ
ﻣﻦ ﺃﺻﻠﻮ ﺯﻳﻒ
ﻃﺒﻌﺎً ﺑﻜﻴﺘﻚ ﺑﺎﻟﺪﻣﻮﻉ ....ﻟﻜﻨﻰ ﻣﺎ ﻧﺎﻭﻯ
ﺍﻟﺮﺟﻮﻉ
ﺃﻧﺎ ﻻﺯﻡ ﺃﻧﺴﻰ ﺍﻟﻜﺎﻥ ﻭﺃﻋﻴﺶ ﻓﻰ ﺿﻞ
ﻧﺠﺎﺣﺎﺗﻰ ﺍﻟﻮﺭﻳﻒ
ﺟﺮﺑﺘﺎ ﺃﺩﻳﻚ ﺃﻣﻨﻴﺎﺕ ﻭﺃﺭﺳﻢ ﻣﻌﺎﻙ ﻋﺎﻟﻢ
ﻣﻨﻴﻒ
ﺑﺲ ﺇﻧﺘﺎ ﻣﺎﻗﺪﺭ ﺍﻟﻮﻋﻮﺩ ﻭﻣﺎﺑﺘﻌﺮﻑ ﺍﻟﺤﺐ
ﺍﻟﻌﻔﻴﻒ
ﺣﺎﻭﻟﺘﺎ ﺇﻣﻜﻦ ﻳﻮﻡ ﺗﻜﻮﻥ ....ﺇﻧﺴﺎﻥ ﻣﻬﺬﺏ
ﻭﺯﻭﻝ ﺷﻔﻴﻒ
ﻭﻓﺸﻠﺘﺎ ﺇﻧﻚ ﺗﺴﺘﻤﺮ ﻓﻰ ﺩﻧﻴﺎ ﺻﺎﺩﻗﻪ ﻭﺟﻮ
ﻧﻀﻴﻒ
ﺍﻧﺎ ﻋﺎﺭﻓﻪ ﺇﻧﻚ ﻣﺴﺘﺤﻴﻞ ... ﺑﻴﻦ ﻳﻮﻡ ﻭﻟﻴﻠﻪ
ﺗﻜﻮﻥ ﺷﺮﻳﻒ
ﺇﻧﺘﺎ ﺑﺘﺤﺐ ﺩﻧﻴﺎ ﺍﻟﺠﺤﻮﺩ ... ﻭﺍﻟﻐﺪﺭ .... ﻭﺍﻟﻜﺬﺏ
ﺍﻟﻤﺨﻴﻒ
ﻭﺍﻟﺸﻰ ﺍﻷﻛﻴﺪ ﺇﻧﻚ ﺯﻋﻴﻢ ..... ﻭﻓﻰ ﻟﻌﺒﺔ
ﺍﻟﺨﺬﻻﻥ ﺣﺮﻳﻒ
.............................
ﺳﻤـﺎﺣـﺘـﻚ ﻋـﻘّـﺪﺗـﻨـﻲ ﻋــﺪﻳــﻞ
ﺃﻋـﺎﻳـﻦ ﻟـﻴــﻚ ﺩﻣـﻮﻋــﻲ ﺗـﺴـﻴـﻞ
ﺃﻛُـﺮ ﻓــﻲ ﺍﻟﺤـﻤـﺪﻭ ﻋﺸـﺮﻳـﻦ ﻣــﺮّﺓ
ﻭﺃﻗــﺮﻯ ﻣﻌـﺎﻫـﺎ ﺳـــﻮﺭﺓ ﺍﻟـﻔـﻴـﻞ
ﻭﻟﻤﻦ ﺗﻤﺴﻜﻲ ﺍﻟﻤﻨﺪﻳﻞ ﻭﺗﻤﺴﺤﻲ ﺑﻴﻮ
ﻛﺤﻞ ﻋﻴﻨﻴﻚ
ﻟـﻤّـﻲ ﺍﻟـﺪﻣـﻌـﺔ ﻓـﻮﻗــﻮﺍ ﺗـﺴـﻴـﻞ
ﺃﻋـﺎﻳــﻦ ﻓـــﻲ ﻋـﻴـﻮﻧـﻚ ﺩﻳـــﻞ
ﻭﺃﻗــﻮﻝ ﺃﺭﻳﺘـﻨـﻲ ﻛـــﺎﻥ ﻣـﻨـﺪﻳـﻞ
ﻣــﺎ ﺑﻨـﻔـﻊ ﻛـــﻼﻡ ﻳـــﺎ ﺭﻳـــﺖ
ﻧـﻮﻋـﻲ ﺩﻩ ﻣـــﺎ ﺷَـﺒَــﻪ ﻣـﻨـﺪﻳـﻞ
ﻣـﻼﻣـﺤـﻲ ﻗـﺮﻳـﺒـﺔ ﻟﻠـﺼـﺎﺭﻗـﻴـﻞ !
ﻛـﻴـﻔـﻦ ﺑـــﺲ ﺃﻛـــﻮﻥ ﻣـﻨـﺪﻳـﻞ
ﻭﻟــﻤّــﺎ ﺗـﻘـﻮﻣــﻲ ﻣـﻨـﻌـﺪﻟــﺔ
ﻭﺗـﻘـﺪﻟـﻲ ﻟـﻴــﻚ ﻛـــﻢ ﻗــﺪﻟــﺔ
ﺃﻓـﻨـﺠــﻂ ﺑــــﻲ ﻭﺭﺍﻙ ﺳــــﺎﻱ
ﺍﻟــﺘـــﻘـــﻮﻝ ﺳــﺨـــﻠـــﺔ
ﺃﻋــﺎﻳــﻦ ﻭﺃﻗـــــﻮﻝ ﻫَـﻤَــﻠــﺔ
ﻭﺣـــﻼﺓ ﺍﻟـﻘـﺪﻟـﺔ ﻓـــﻲ ﺃﻫـﻠـﻬـﺎ
ﺣﻠـﻴـﻮﻩ ﻭﺗـﻤـﺸـﻲ ﺑـــﻲ ﺟَﻬـﻠـﻬـﺎ
ﻭﺗـﺘـﻘـﺼّـﺪ ﻣــﺸــﻲ ﺍﻷﺻــﻠــﺔ
ﻭﺃﻧــﺎ ﺍﻟﻔﺠـﻐـﻮﻧـﻲ ﺑـــﻲ ﻋَـﺪﻟــﺔ
ﺃﻧــﺎ ﺍﻟـﻴـﺎﺩﻭﺏ ﻓــﻲ ﺩﻧـﻴـﺎ ﺍﻟـﺮﻳـﺪ
ﻣﻨـﺎﻱ ﻳــﺎ ﺭﺏ ﺳــﻼﻡ ﻓــﻲ ﺍﻹﻳــﺪ
ﻋـﻴـﻮﻧـﻚ ﺯﻱ ﻋـﻴــﻮﻥ ﺍﻟـﺼـﻴــﺪ
ﻛُـﺒــﺎﺭ ﺯﻱ ﺧــــﺮﻭﻑ ﺍﻟـﻌـﻴــﺪ
ﺗـﻜـﻬـﺮﺑـﻲ ﺑـﻴـﻬــﺎ ﺧــﻠــﻖ ﺍﻟﻠﻪ
ﻭﻧـﻮﻋـﻲ ﺩﻩ ﻋــﺎﺩ ﺟﻨـﻮﻧـﻮ ﻳـﺰﻳــﺪ
ﻭﺃﻗـﻮﻝ ﻳـﺎ ﺭﺏ ﺗﺴﻠّـﻢ ﻟــﻲ ﺃﻭ ﺳـﺎﻛـﺖ
ﺗﺄﺷّﺮ ﻟـﻲ، ﻭﻛـﺎﻥ ﻏﻤـﺰﺕ ﺩﻩ ﻳـﻮﻡ
ﺍﻟﻌﻴـﺪ
ﻭﻋﻴﻨـﻴـﻚ ﻃﺎﻟـﻌـﺎ ﺑﻴﻨـﻬـﺎ ﻃـــﻮّﺍﻑ
ﻻ ﺍﻟـﻜـﺒـﻜـﺎﺑــﺔ ﻻ ﺍﻟـــﺮﺟّـــﺎﻑ
ﺗـﻘـﻮﻝ ﺭﺷّـﻮﻧـﻲ ﺑـــﻲ ﺍﻟﺒـﻔـﺒـﺎﻑ
ﻳــﺠــﻴــﻨــﻲ ﺭﻋــــــــﺎﻑ
ﻭﺃﻗـﻌـﺪ ﺃﻟـــﻒ، ﻋـﻴـﻮﻧـﻲ ﺗـــﺮِﻑ
ﻭﺃﻗـﻮﻝ ﺃﻛﻴـﺪ ﺩﻩ ﺃﺛــﺮ ﻓـﻄـﻮﺭ ﺍﻟـﻔـﻮﻝ
ﻟـﻤــﻦّ ﺗﻀـﺤـﻜـﻲ ﻓـــﻲ ﻧُـﻜـﺘـﻪ
ﺍﻟﺘـﻘـﻮﻝ ﻟﺒـﻌـﻮﻧـﻲ ﺑـــﻲ ﺷـﻨـﻄـﺔ
ﻭﺃﻛــﺐ ﻓــﻮﻕ ﺍﻟﻌـﺼـﻴـﺮ ﺷـﻄّــﺔ
ﻭﺃﻗـﺮﻃـﻊ ﻣـــﺎ ﺃﺳـﻴــﺐ ﻧُـﻘـﻄـﺔ
ﻭﺃﻗـﻮﻝ " ﻳـﺎ ﺳــﻼﻡ ﻋﺼـﻴـﺮ ﻟُﻘـﻄـﺔ "
ﻭﺇﻧﺖِ ﺗﻘﻮﻟﻲ "ﺑﺎﻟﻐﺖ ﻭﺷﺮﺑﺖ ﺍﻟﺸﻄّﺔ ﻳـﺎ
ﺇﻧـﺖَ"
ﻣﺎﻟﻬﺎ ﺍﻟﺸﻄّـﺔ، ﻣـﺎ ﺷﺮﺑـﺎﺕ ﻋﺼﻴـﺮ
ﻛُﻔﺘـﻪ
ﻋﺼـﻴـﺮ ﺟـﺮﻛـﺎﻥ ﻣـــﻦ ﺍﻟـﺪُﻛّــﺎﻥ
ﻳـﺘـﺮﺷّـﻪ ﻓـــﻲ ﺻـﺤــﻦ ﻓـﺘّــﺔ
ﻣـــﺎ ﻣـﻬــﻢ ﺷـﺮﺍﺑــﻲ ﺍﻟـﺸـﻄـﺔ
ﻭﺍﻟـﻤـﻬــﻢ ﺍﻟـﻜـﻠـﻤـﺔ "ﺑـﺎﻟـﻐــﺖ "
ﻭ " ﺷـﺮﺑـﺖ ﺍﻟـﺸـﻄّـﺔ ﻳـــﺎ ﺇﻧـــﺖ
...........................
ﻳﺎﻟﺴﻤﺤﺔ ﻓﻲ ﺗﻮﺏ ﺍﻟﺰﻓﺎﻑ
ﺯﺍﺩﺕ ﻣﺪﺍﻣـــــــﻌﻚ ﺭﻭﻋﺘﻚ
ﺃﻧﺎ ﺃﺻﻠﻲ ﻋـــﺎﺭﻓﻚ ﻣﺮﻏﻤﻪ
ﻭﺃﺻﻠﻮﺍ ﺍﻟﺤﺼﻞ ﻣــﺎ ﺭﻏﺒﺘﻚ
ﻋﺬﺭﻙ ﻣﻌــــــﺎﻙ ﺍﺗﻔﻀﻠﻲ
ﺍﻟﻠــــﻪ ﻳﺒـــــــﺎﺭﻙ ﺧﻄﻮﺗﻚ
ﺍﻟﺒﻴﻨﺎ ﻣــــﺎ ﻛﺎﻥ ﻓﻲ ﺍﻟﻨﺼﻴﺐ
ﻣﺎ ﺗﺒﻜﻲ ﻓـــﻲ ﻳﻮﻡ ﻓﺮﺣﺘﻚ
ﺃﻧﺎ ﻳﺎﻧﻲ ﺟﻴـــــــﺘﻚ ﻣﻨﻜﺴﺮ
ﻋﺎﻳﺶ ﻣﺌــــــــﺎﺗﻢ ﻓﺮﻗﺘﻚ
ﻣﺎﺗﺤﻤﻠﻴــــــﻨﻲﺫﻧﺐ ﺑﻜﺎﻙ
ﺗﻜﻔﻴﻨﻲ ﺁﺧـــــــــﺮ ﺳﻜﺘﻚ
ﺃﻧﺴﻴــــــــﻨﻲ ﻭﺃﺩﻳﻬﻮ ﺍﻟﻮﻓﺎ ♥♥
ﻟﻠﺠﺎﻱ ﺷــــــــﺎﻳﻞ ﺷﺒﻜﺘﻚ
ﺧﺘﻴﻨﻲ ﻓﻲ ﻣﺎﺿﻴﻚ ﺳﺤﺎﺏ
ﻋﺪﻯ ﻭﺭﺣﻞ ﺑــﻲ ﺣﺴﺮﺗﻚ
ﺣﺘﻰ ﺍﻟﻮﺩﺍﻉ ﻓــــﻴﻚ ﺍﻧﺪﺛﺮ ♥♥
ﻭﺍﺗﻐﻄﻰ ﺑﻲ ﻠــــﻮﻥ ﺣﻨﺘﻚ
ﻓﻲ ﺳﺮﻱ ﻭﺩﻋﺖ ﻭﻣﺸﻴﺖ
ﺷﺎﻳﻞ ﻋﺬﺍﻱ ﻣﻦ ﺩﻣﻌـــﺘﻚ
ﺍﻟﻮﺩﺍﻉ ﺭﻏــــــﻢ ﺍﻟﻀﻴـــﺎﻉ
ﻣﺎﺑﻴﻦ ﻋﺬﺍﺑــــﻲ ﻭﻗﺴﻤﺘﻚ ^
.....................
ﺍﻟﺮﻳﺪ ﺍﺫﺍ ﺩﺍﺱ ﺍﻟﻜﺮﺍﻣﻪ
ﻗﻮﻟﻮ ﺗﺼﺤﺒﻚ ﺍﻟﺴﻼﻣﻪ
ﻭﺍﺑﺪﺍ ﻗﻠﻊ ﻓﻲ ﺟﺬﻭﺭﻭ
ﻗﺒﻞ ﻣﺎﺗﺒﺪﺃ ﺍﻟﻨﺪﺍﻣﻪ
ﻗﺒﻞ ﻣﺎﺗﻀﻴﻊ ﺷﺒﺎﺑﻚ
ﻗﺒﻞ ﻣﺎﺗﻔﻘﺪ ﺻﻮﺍﺑﻚ
ﻗﺒﻞ ﻣﺎﻋﻤﺮﻙ ﻳﻌﺪﻱ
ﻭﺍﻟﻘﻠﺐ ﻳﺪﻣﻦ ﻋﺬﺍﺑﻚ
ﺍﻟﺒﻔﻮﺗﻚ ﺧﻠﻲ ﺳﺎﻟﺐ
ﻭﺍﻟﺒﺮﻳﺪﻙ ﺭﻳﺪﻭ ﻭﺍﺟﺐ
ﺍﻟﻐﺮﺍﻡ ﺍﺻﻼ ﻣﺪﺍﺭﺱ
ﻓﻲﻫﻮ ﺍﺳﺘﺎﺫ ﻭﻓﻴﻬﻭ ﻃﺎﻟﺐ
ﺍﻟﺒﺮﻳﺪﻙ ﻣﻨﻮ ﻗﺮﺏ
ﻗﺒﻞ ﻣﺎﺷﻤﺴﻚ ﺗﻡﻐﺮﺏ
ﺍﻟﻌﺸﻖ ﺧﻠﻴﻪ ﻣﺴﺎﺋﻞ
ﺑﺎﻟﻘﻠﻢ ﻣﻤﻜﻦ ﺗﻀﺮﺏ
ﺍﻟﻘﻠﺐ ﻟﻠﺮﻳﺪﻩ ﻓﺎﺿﺢ
ﺍﻟﻐﺮﺍﻡ ﺳﻠﻄﺎﻧﻮ ﺟﺎﺭﺡ
ﺍﻟﺒﻴﺎﺑﺎﻙ ﻳﺎﺧﻲ ﺳﻴﺒﻮ
ﻭﺑﺎﻟﻔﺮﺍﻕ ﻣﻦ ﺑﺪﺭﻱ ﺻﺎﺭﺡ
ﻧﺼﻴﺤﻪ ﻟﻴﻚ ﺑﻲ ﻛﻞ ﺻﺮﺍﺣﻪ
ﺍﻟﺒﺮﻳﺪ ﻣﺎﺑﻠﻘﻲ ﺭﺍﺣﻪ
ﺍﻟﻐﺮﺍﻡ ﻗﺎﻧﻮﻧﻮ ﺛﺎﺑﺖ
ﻻﺍﺟﺘﻬﺎﺩﺍﺕ ﻻﻓﻼﺣﻪ
ﻭﺩﻉ ﺍﻟﻘﺼﻪ ﻭﺟﺤﻴﻤﻬﺎ
ﻭﺍﺑﺪﺍ ﻓﻜﺮ ﺑﻲ ﻋﺰﻳﻤﻪ
ﺍﻟﺒﻌﺬﺏ ﻟﻲ ﺍﻟﺒﺮﻳﺪﻭ
ﻓﻲ ﺍﻟﻐﺮﺍﻡ ﻣﺎﻟﻴﻬﻮ ﻗﻴﻤﻪ
.........................
ﻣﺒﺮﻭﻙ ﻋﻠﻴﻚ ﻟﻴﻠﺔ ﺍﻟﺰﻓﺎﻑ ﺗﺘﻬﻨﻲ ﺑﺎﻟﻤﺎﻝ
ﻭﺍﻟﻮﻟـﺪ
ﻣﺒﺮﻭﻙ ﻋﻠﻲ ﺟﺮﺣﻲ ﻭﺷﻘﺎﻱ ﺍﻟﺮﻭﺡ
ﻣﺸﺖ .. ﺑﺎﻗﻲ
ﺍﻟﺠﺴـﺪ
-------
ﺷﺎﻳﻔﻚ ﺗﺒﺸﺮﻱ ﻟﻠﺼﺤﺎﺏ ﻭﺃﻧﺎ ﻛﺎﻳﺲ ﻣﻦ
ﻋﻴﻨﻴﻚ ﻣـﺪﺩ
ﻣﻮﺟﻮﻉ ﺻﺎﺡ ﻣﺤﺮﻭﻕ ﺣﺸﺎﻱ ﺑﺲ ﻓﻲ
ﺍﻟﻨﺼﻴﺐ ﻣﺎﻟﻴﻨﺎ
ﻳـﺪ
-------
ﻣﺎﺃﻇﻦ ﺩﻣﻮﻋﻲ ﺗﺠﻒ ﻭﺭﺍﻙ ﻓﻲ ﺍﻟﻌﻴﻦ
ﺑﺤﻮﺭ ﻣﺎﻟﻴﻬﺎ ﺣـﺪ
ﻟﻜﻦ ﺟﻮﺍﻱ ﻗﻠﺒـﺎ`` ﻭﻟﻮﻑ ﺑﺘﻤﻨﻰ ﻟﻴﻚ
ﺍﻟﻔﺮﺣﻪ ﺟـﺪ
-------
ﻣﺎﺑﻜﺮﻫﻚ ﻟﻮ ﻟﻲ ﻧﺴﻴﺖ ﻫﺪﻳﺖ ﺟﻮﺍﻱ
ﺍﻟﺮﻳﺪﻩ ﻫـﺪ
ﻗﻠﺒﻲ ﺍﻟﻌﺮﻑ ﺩﺭﺏ ﺍﻟﻮﺩﺍﺩ ﻭﺍﻟﻠﻪ ﻣﺎﺑﻌﺮﻑ
ﺣﺴـﺪ
-------
ﺃﻃﻮﻳﻨﻲ ﻓﻲ ﺍﻟﺼﻔﺤﺎﺕ ﻭﺭﺍﻙ ﻣﺎﺗﻄﺮﻱ
ﺫﻛﺮﺁﻱ ﻟﻸﺑـﺪ
-------
ﻋﺎﻓﻴﻠﻚ ﺍﻟﻔﺮﺡ ﺍﻟﺴﺄﻝ ﻋﻨﻚ ﻭﻣﺎﺭﺍﺟﻴﻠﻮ ﺭﺩ
ﻋﺎﻓﻴﻠﻚ ﺍﻟﺪﻣﻊ ﺍﻟﻨﺰﻝ ﺇﻥ ﺷﺎﺀﺍﻟﻠﻪ ﺑﻴﻨﻚ
ﻭﺑﻴﻨﻮ ﺳـﺪ
-------
ﻋﺎﻓﻴﻠﻚ ﺍﻟﻮﺟﻊ ﺍﻟﺒﺌﻦ ﻋﺎﻓﻴﻬﻮ ﺟﺮﺣﻲ
ﺍﻟﻤﺎﺑـﺮﺩ
ﺍﻧﺴﻴﻨﻲ ﻣﺎ ﺗﺸﻴﻠﻲ ﻫﻢ ﺇﺗﻬﻨﻲ ﺿﻮﻗﻲ
ﺇﻧﺘﻲ ﺍﻟﺴﻌـﺪ
..........................
ﻣﺨﺪﻭﻋﻪ ﺑﻲ ﺗﻮﺏ ﺍﻟﺠﻤﺎﻝ
ﺑﺎﻗﻲ ﺍﻟﻤﻔﺎﺗﻦ ﺣﻘﺘﻚ
ﺑﺲ ﻳﺎﺧﻲ ﻟﻮ ﻣﻤﻜﻦ ﺳﺆﺍﻝ؟؟
ﻣﻴﻦ ﺍﻟﻜﺴﺎﻙ ﻟﻮﻥ ﺭﻭﻋﺘﻚ
ﻣﻴﻦ ﺳﻮﻯ ﻗﺎﻣﺘﻚ ﻣﻦ ﻣﺤﺎﻝ
ﺷﻜﻞ ﺗﺼﺎﻣﻴﻢ ﺭﻗﺘﻚ
ﻭﺍﻫﺪﺍﻙ ﻣﻊ ﺍﻻﻳﺎﻡ ﺟﻤﺎﻝ
ﺯﺍﻳﻦ ﻋﺒﻴﺮﻙ ﻭﻃﻠﺘﻚ
ﺗﻠﻘﻲ ﺍﻟﻜﺮﻳﻢ ﺳﻴﺪ ﺍﻟﻜﻤﺎﻝ
ﻳﺎﻫﻮ ﺍﻟﺒﺸﻜﻞ ﺩﻧﻴﺘﻚ
ﻗﺎﺩﺭ ﺇﻻﻫﻲ ﻋﻠﻲ ﺍﻟﺰﻭﺍﻝ
ﺯﻱ ﻣﺎ ﺑﺤﺴﻦ ﺧﻠﻘﺘﻚ
ﺧﻠﻲ ﺍﻟﺘﻜﺒﺮ ﻭﺍﻟﺪﻻﻝ
ﺷﻴﻠﻲ ﺍﻟﺘﻮﺍﺿﻊ ﺧﺼﻠﺘﻚ
ﻏﻴﺮﻙ ﻛﺘﻴﻴﻴﺮ ﻭﺑﻨﺎﺕ ﺣﻼﻝ
ﻭﺟﻤﺎﻝ ﺑﻔﻮﺕ ﺣﺪ ﺭﻭﻋﺘﻚ
ﺳﺎﻟﻜﻴﻦ ﺩﺭﻭﺏ ﺍﻻﻋﺘﺪﺍﻝ
ﻣﺎﺯﻱ ﺗﻘﻮﻝ ﺯﻱ ﺣﻀﺮﺗﻚ
ﻭﺍﻧﺎ ﺑﻌﺘﺬﺭ ﻟﻮ ﺷﺮﺣﻲ ﻃﺎﻝ
ﻭﺟﺮﺣﺖ ﻗﺎﻣﺘﻚ ﻭﻋﺰﺗﻚ
ﺍﻫﻮ ﻓﻲ ﺍﻟﻨﻬﺎﻳﻪ ﻛﻤﺎ ﻳﻘﺎﻝ
ﺩﺍ ﺍﻟﻤﺤﺎﻝ ﻟﻮ ﺗﺎﻧﻲ ﺍﻃﻠﺐ ﻧﻤﺮﺗﻚ
....................
ﻟﻰ ﻣﺘﻴﻦ ﻳﻼﺯﻣﻚ ﻓﻲ ... ﻫﻮﺍﻙ ﻣﺮ
ﺍﻟﺸﺠﻦ
ﻭﻳﻄﻮﻝ ﺑﺎﻳﺎﻣﻚ ﺳﻬﺮ ... ﻭﻳﻄﻮﻝ ﻋﺬﺍﺏ
ﻳﺎ ﻗﻠﺒـــﻰ ﻟﻮﻛﺎﻧﺖ ... ﻣﺤﺒﺘــــﻪ ..
ﺍﻟﺜﻤﻦ
ﻳﻜﻔﻴﻚ ﻫﺪﺭﺕ ﻋﻤﺮ ... ﺣﺮﻗﺖ ﻋﻠﻴﻪ
ﺷﺒﺎﺏ
ﻟﻜﻦ ﻫﻮﺍﻩ ﺃﻛﺒﺮ ... ﻭﻣﺎ ﻛــــﺎﻥ ﻟﻴﻪ
ﺛﻤﻦ
ﻭﺍﻟﺤﺴﺮﺓ ﻣﺎ ﺑﺘﻨﻔﻊ ... ﻭﻣــــﺎ ﺑﺠﺪﻯ
ﺍﻟﻌﺘــــﺎﺏ
ﺃﺣﺴـــــﻦ .. ﺗﺨﻠﻴـــﻪ ... ﻟـــﻰ ﺍﻟﻠﻴﺎﻟﻰ
ﻭﺍﻟﺰﻣﻦ
ﻳﻤﻜﻦ ﻳﺤﺲ ﺿﻤﻴﺮﻩ ... ﻭﻳﻬﺪﻳﻪ ﻟــــﻰ
ﺍﻟﺼﻮﺍﺏ
ﻟﻜﻨﻰ ﺍﺧﺸﻰ ﻋﻠﻴﻪ ... ﻣــــﻦ ﻏـــﺪﺭ
ﺍﻟﻠﻴــــﺎﻟﻰ
ﻭﺃﺧﺸﻰ ﺍﻻﻣﺎﻧﻰ ﺗﺸﻴﺐ ... ﻭﻋﺸّﻨﺎ ﻳﺒﻘﻰ
ﺧﺎﻟﻰ
ﻭﻫﻮ ﻟﺴﻊ ﻓﻲ ﻧﻀﺎﺭﺓ ... ﺣﺴﻨﻪ ﻓﻰ
ﻋﻤﺮ ﺍﻟﺪﻭﺍﻟﻰ
ﻣﺎ ﺣﺼﻞ ﻓﺎﺭﻕ ﻋﻴﻮﻧﻰ ... ﻟﺤﻈﺔ ﺍﻭ
ﺑﺎﺭﺡ ﺧﻴﺎﻟﻰ
ﺍﻏﻔـــﺮ ﻟــﻪ ﻳﺎ ﺣﻨﻴــِّﻦ ... ﻭﺟــﺎﻭﺯ ﻟـــﻮ
ﻇﻠﻢ
ﻣﺎ ﺍﺻﻠﻬﺎ ﺍﻷﻳﺎﻡ ﻣﻈﺎﻟﻢ ﻭﺍﻟﻌﻤــﺮ
ﻏﻤﻀﺔ ﺛﻮﺍﻧﻲ
ﻭﺍﺻﺒﺮ ﻋﻠﻰ ﺟﺮﺣﻚ ... ﻭﺇﻥ ﻃــــﺎﻝ
ﺍﻷﻟﻢ
ﺑﻰ ﺟﺮﺍﺣﻨﺎ ﺑﻰ ﺃﺷﻮﺍﻗﻨﺎ ... ﺑﻨﻀﻮﻯ
ﺍﻟﺰﻣﻦ
ﺍﻧﺎ ﻋﺎﺭﻓﻪ ﺑﻜﺮﻩ ﺑﻴﻌﻮﺩ ... ﻓﻰ ﺭﻋﺸـــﺔ
ﻧﺪﻡ
ﻧﻨﺴﻰ ﺍﻟﺤﺼﻞ ﺑﻴﻨﺎﺗﻨﺎ ... ﻭﺍﻟﺴﻬﺮ ﺍﻟﻠﻰ
ﻛﺎﻥ
ﺗﺼﺒﺢ ﺣﻴﺎﺗﻨﺎ ﻧﻐﻢ ... ﻭﻋﺸﻨــــﺎ
ﻳﺒﺘﺴــــﻢ
ﻭﺗﻌﻮﺩ ﻣﺮﺍﻛﺐ ﺭﻳﺪﻧﺎ ... ﻟـــــﻰ ﺑﺮ
ﺍﻷﻣﺎﻥ
********************
ﺃﻧﺎ ﻛﺬﺑﺖ ﻋﻠﻴﻚ ﻳﺎ ﻏﺎﻟﻴﺔ
ﺃﻧﺎ ﻳﻮﻣﺎﺗﻰ ﺣﺒﻴﺒﺘﻰ ﺑﺨﻮﻧﻚ
ﻟﻤﺎ ﺗﻐﻴﺒﻲ ﺑﻐﺎﺯﻝ ﻃﻴﻔﻚ
ﻭﻟﻤﺎ ﺗﺠﻴﻨﻰ ﺑﺪﻭﺏ ﻓﻲ ﻋﻴﻮﻧﻚ
ﺃﻳﻮﺓ ﺑﺨﻮﻧﻚ ﻣﻊ ﺑﺴﻤﺎﺗﻚ
ﻣﻊ ﺭﺻﺎﺕ ﺍﻟﺪﺭ ﻓﻲ ﺳﻨﻮﻧﻚ
ﺃﻳﻮﺓ ﺑﺨﻮﻧﻚ ﺑﻴﻚ ﻭﺑﻼﻛﻲ
ﻭﺁﺳﻒ ﺟﺪﺍً ﺇﻧﻰ ﺑﺨﻮﻧﻚ
ﺃﻳﻮﺓ ﺑﺨﻮﻧﻚ ﺑﻴﻨﻰ ﻭﺑﻴﻨﻚ
ﻭﻟﻤﺎ ﺗﻜﻮﻧﻲ ﺑﻌﻴﺪﺓ ﻭﺳﺎﺭﺣﺔ
ﺃﻳﻮﺓ ﺑﺨﻮﻧﻚ ﻣﻊ ﺧﺼﻼﺗﻚ
ﻭﺷﻌﺮﻙ ﻣﻮﺟﺔ ﻟﻴﻠﻲ ﺍﻟﻄﺎﻣﺤﺔ
ﺃﻳﻮﺓ ﺑﺨﻮﻧﻚ ﻭﺇﻧﺘﻰ ﻗﻮﺍﻣﻚ
ﻫﺪ ﻗﻮﺍﻡ ﺍﻟﻤﻬﺮﺓ ﺍﻟﺠﺎﻣﺤﺔ
ﺃﻳﻮﺓ ﺑﺨﻮﻧﻚ ﻭﻋﺎﺭﻑ ﺇﻧﻚ
ﻃﻴﺒﺔ ﻭﺇﻧﻚ ﺩﻳﻤﺔ ﻣﺴﺎﻣﺤﺔ
ﺃﻧﺎ ﻟﻮ ﺧﻨﺘﻚ ﻣﻊ ﺯﻭﻝ ﻏﻴﺮﻙ
ﺇﻻّ ﺃﻛﻮﻥ ﺃﻧﺎ ﻭﺍﺣﺪ ﻏﻴﺮﻱ
ﻭﺇﻻّﻳﻜﻮﻥ ﺍﻟﻘﻠﺐ ﺇﺗﺒﺪﻝ
ﻭﻓﻜﺮﻱ ﺇﺗﻐﻴﺮ ﻣﻦ ﺗﻔﻜﻴﺮﻱ
ﻭﺇﻻّ ﻳﻜﻮﻥ ﺍﻟﺰﻣﻦ ﺇﺗﺤﻮﻝ
ﻭﺇﻻّ ﺃﻛﻮﻥ ﻣﻮّﺕ ﺿﻤﻴﺮﻱ
ﺃﻧﺎ ﻟﻮ ﺧﻨﺘﻚ ﻣﻊ ﻧﻈﺮﺍﺗﻚ
ﻣﺎ ﻣﻦ ﺣﻘﻚ ﺇﻧﻮ ﺗﻐﻴﺮﻱ
_ _ _ _ _ _ _
ﻳﻮﻡ ﺍﻟﺤﺒﻴﺐ ﻭﺩﻋﻨﻲ ﺭﺍﺡ
ﺿﺎﻋﻒ ﻋﻠﻲ ﺍﻟﻢ ﺍﻟﺠﺮﺍﺡ
ﻛﺎﻥ ﻟﻲ ﺃﻣﻞ ﺃﺟﺪ ﺍﻧﺸﺮﺍﺡ
ﻭﺍﺟﺪ ﻣﻊ ﺍﻟﻤﺤﺒﻮﺏ ﺻﺮﺍﺡ
ﺃﺣﻜﻲ ﺍﻟﻢ ﺍﻟﻔﺮﺍﻕ ﻭﺍﺷﻜﻲ
ﻟﻲ ﻣﻴﻦ ﺃﻧﺎ ﺍﺣﻜﻲ
ﻳﺎ ﺭﻭﺣﻲ ﻣﺎ ﻫﺬﺍ ﺍﻟﺼﺪﻭﺩ
ﻭﺃﻧﺎ ﺩﻣﻌﻲ ﺟﺎﺭﻱ ﻋﻠﻰ
ﺍﻟﺨﺪﻭﺩ
ﻟﻮ ﻛﺎﻥ ﻗﻠﻴﻞ ﺧﻠﻴﻚ ﻭﺩﻭﺩ
ﻓﺮﻁ ﺍﻟﺪﻻﻝ ﻓﺎﺕ ﺍﻟﺤﺪﻭﺩ
ﺃﻧﺎ ﻳﺎ ﺟﻤﻴﻞ ﻋﺎﺷﻖ ﺃﺳﻴﺮ
ﺃﻋﺘﺰ ﺑﻴﻚ ﻭﺃﻫﻮﺍﻙ ﻛﺘﻴﺮ
ﻟﻮ ﻗﻠﺖ ﻟﻲ ﻏﻴﺮﻙ ﺳﻤﻴﺮ
ﻣﻮﻻﻧﺎ ﻋﺎﺭﻑ ﺍﻟﻔﻲ ﺍﻟﻀﻤﻴﺮ
ﺃﻧﺎ ﻳﺎ ﺣﺒﻴﺐ ﺍﻟﺮﻭﺡ ﻣﺤﺎﻝ
ﺃﻧﺴﺎﻙ ﻭﻟﻮ ﻫﺠﺮﺍﻧﻲ ﻃﺎﻝ
ﻟﻮ ﺃﺑﻌﺪﻙ ﻋﻨﻲ ﺍﻟﺪﻻﻝ
ﻻﺑﺪ ﻣﻦ ﻳﻮﻡ ﺍﻟﻮﺻﺎﻝ
_ _ _
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dagoo.sudanforums.net
 
عاشق عيونك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبــــــــاب الفنية داجو ميدانى :: الفئة الأولى :: شعراء العصر-
انتقل الى: