شبــــــــاب الفنية داجو ميدانى

شبــــــــاب الفنية داجو ميدانى

شبـــــــــاب الفنيية داجو ميدانى
 
الرئيسيةالبوابةالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» حفلة العناكب
 يااااااااااااsuger Icon_minitimeالخميس أغسطس 28, 2014 1:00 pm من طرف dagoo

» حفلة اولاد ميامى
 يااااااااااااsuger Icon_minitimeالخميس أغسطس 28, 2014 12:57 pm من طرف dagoo

» حقيقة ام خيال
 يااااااااااااsuger Icon_minitimeالجمعة مارس 28, 2014 3:23 pm من طرف dagoo

» نكات عجيــــــــــــــــــــــــــــــبة
 يااااااااااااsuger Icon_minitimeالأحد فبراير 16, 2014 4:15 pm من طرف dagoo

» احداث خطيرة فى السودان منقول
 يااااااااااااsuger Icon_minitimeالأحد فبراير 16, 2014 4:10 pm من طرف dagoo

» فضختينا مع الاجانب يا بت القلعة
 يااااااااااااsuger Icon_minitimeالأحد فبراير 16, 2014 3:56 pm من طرف dagoo

» كدا عيب يا ناس الجامعات
 يااااااااااااsuger Icon_minitimeالأحد فبراير 16, 2014 3:44 pm من طرف dagoo

» فضيحة الفنانة ندى القلعة
 يااااااااااااsuger Icon_minitimeالأحد فبراير 16, 2014 3:38 pm من طرف dagoo

» انت سودانى ارفع راسك فوق
 يااااااااااااsuger Icon_minitimeالأحد فبراير 16, 2014 3:35 pm من طرف dagoo

ديسمبر 2019
الإثنينالثلاثاءالأربعاءالخميسالجمعةالسبتالأحد
      1
2345678
9101112131415
16171819202122
23242526272829
3031     
اليوميةاليومية
التبادل الاعلاني

انشاء منتدى مجاني




شاطر
 

  يااااااااااااsuger

اذهب الى الأسفل 
كاتب الموضوعرسالة
dagoo
Admin


المساهمات : 120
تاريخ التسجيل : 30/01/2014
العمر : 28

 يااااااااااااsuger Empty
مُساهمةموضوع: يااااااااااااsuger    يااااااااااااsuger Icon_minitimeالخميس يناير 30, 2014 11:47 am

suger


كل ما أقبّل وأعاين

ألقى عينيك جات في mine

حاجة very good

حاجة fine


يا suger مصنع كنانة

يا flour مالي البطانة


إنته fantastic banana



إنتِ عينيك فيه light


إنتِ شعرك dark night


إنتِ طبعك كولو right


إنت my heart إنتِ نورو


إنت my love البدورو


عايز أشوفك more tomorow



عايز أشوفك more tomorow



&&&&&&&&&&&&&&&&&&&&




زولتنا كانت سمحه



زولتنا كانت سمحه جد


في عيونا كان الليل لبد


و في رموشا كان القيف كان شرد


و في الضحكه بصب البرد


و لكل سوال كان للجمال في عيونا رد


و زولنا كان بريدا جد في ريدا ما كان ليها حد و القصه عارفها البلد


بلقها لو يوم قام فجر في ونسه في شاي العصر


جنب بيتا لو حايم كدر


و دايما حديثوم في العرس


وكيف يلملمولو قرش قرش


و كيف يبنو من ساسو التحت لمن يودهو العرش


و كانو عايشين في غرام لافيهو خداع لافيه غش لا فيه كرامه بتنخدش


و تمر سنين بكل حنين لا فيها الم لا فيها انين


و زولتنا كان حافظا الوعد و لزولنا تب ما تغيرت لا من قريب لا من بعيد


و ياهو البحصل يا اهل لو كان صحيح الزول بريد


و صاحبنا بلم في المهر بالرغم من دخلو البسيط 200 جنيه اخر الشهر


فيها الاكل و فيها اللبس و فيها العالج فيها الوفر


و شان كنتي يالسمحه الامل


لا كدة لا ضاق بيهو فتر


بالرغم من حالو الصعب و بالرغم من دخلو الكعب


بالرغم من تعبو الشديد شان كان صحيح الريده في دم الوريد


بس بالزمن السمحه يوم اتغيرت و يما الزمن ياكل الحديد


السمحه ليه اتبدلت لزول تعب و نست الحنان في القلب


و السمحه ليه اتغيرت لي زول بحب و القصه ما كانت كضب



0*0*0*0*0*0*0*0*0*0*0*0*0*0*0*0*0*0*0*0*0*0*0*0*0*0


زولتنا بلا مغترب


السمحه بلا مغترب زولتنا يوم الوافقت صاحبنا في المقلب شرب


و كان العذراصلو العرس قسمه و نصيب


صاح يا اهل اصلو العرس قسمه و نصيب


بس يا اهل وين قسمه الخاضو الحرب


طول عمرهم لا اتغيرو لاحدو يوم من الدرب


و ين الحنان و ين المشاعر الفي القلب


بعاهوا بكوم الشنط


بعاهوا بالجزم ام سست


بعاهوا بالكمين جنيه و الكم شبط و الكم جنيه القالو لي قطع الرحط


بعاهو بصقفة بنات زغريد حريم وعلب كريم


وادوك للبقدر يجيب


و قالو العرس قسمه و نصيب


0*0*0*0*0*0*0*0*0*0*0*0*0*0*0*0*0**0*0*0*00**0*0*0*0*0*0*0*0*0*



و لو عارفه يا زينة البنات دقو الجرس بعاوك في سوق الرقيق


ودوك في اخطر طريق من دون رفيق من دون حبيب


ادوك للبقدر بجيب و قالو العرس قسمه و نصيب


و لو عارفه يا زينة البنات غشوك بيصوان كبير و عريس كمان في البدله عامل


زي عوير


و البنسون اب عشرين كمان ولعه فيها صمام امان و كدوس عجيب دخانو بطلع

بالاضان


و بنات عدد صفق الشجر


و السيره كان لا ليها راس لا ليها قعر و فنان يلعلع للفجر


و تطلبي شئ البيت قريب و التكسي بودي و يجيب


و قالو العرس قسمه و نصيب


و قالو العرس قسمه و نصيب



&&&&&&&&&&&&&&&&&&&


بترولنا هو الدين


حباب بترولنا فرحانين


ولي جيتك رجينا سنين


طلعت روحنا قبّالك


وطلّعوا زيتنا معصورين


قالوا بطون ، تربطوها .. ربطانها


هم فكّوا .. بقت كرشاً تشيل جاهلين


قالوا دقون ، تربّوها .. ربيناها


هم حلقوا .. صبحوا مُلُس حلاتو حسين


قالوا تدكّوا .. دكيناها


بس جرّونا ليك خمسين


أخدنا السيك وفي قبولنا


ورق يا أخوانّا فيو "آسين"!


لكن بس خلاص سودانّا بتصلّح


وتبقى "أمبّدة " زي "برلين"


تعال شوف كيف جنيهنا يعود


مكانو الفاتو ليهو سنين


جنيه حيساوي اتناشر


ما "دولار" "استرلين"


مزارعنا بتدّور جد.. مزارع فول وأب سبعين


وزيت السمسم قصب سكر ..بنلغي بطاقة التموين


نسوق عرباتنا نص الليل ..ونحرقوا ليك جِنِس بنزين


وتبقي الكهرباء بي بلاش


لا أمطار أبت تهطل ..ولا طوربينا خشّاها طين


والغسالة كهربا بل .. تكوي براها لو عايزين


تعال شوف ليك جِنِس تكييف


ونوم يا زول لحدي اتنين


بدل سودان .. نكون صفران .. نكون بويضان


ونبقى بويض ومرتاحين


والطب زاتو يتطّور .. نركّب للمريض قلبين


دكاكين حقّت اسبيرات .. كلاوي كِبَد أذين وبطين


دكاترة يجونا من برّة..دكاترة يجونا من لندن


عشان القحّة والتسنين!


علاج مجّاني ندفع ليك لو تمرض


منو البمرض! يقيسوا الدم ميّة وعشرين


والتعليم يكون ثورة .. تعم الناس ويفهموا زين


عشان ما يسامحوا زي أوّل


الياكل الناس باسم الدين


يجينا وزير كلامو كُتُر


يخت الخمسة في الإتنين


حندخل عاشرة وحداشر


قراية الجامعة بس سنتين


ينظّر زي فلان داكا ..محامي من أهل لينين


والبسقط ننجحوا لو وحيد أمّو .. عشان مسكين


ونلغي مدارس الوزرا..وينجحوا ناس خلف والزين


والقانون صريح واضح .. مصدّق لي كل زول بيرين


تعال شوف المشاكل عاد ..بيري وبيرك اتفتحوا


وياخ سلّفني طن بنزين


وعايز لي استخدام بتاع علماء فللك اتنين


وعالم ذَرّة متمكّن .. عشان ياخ ولدي ساقط دين


آدم موسى من دارفور


عاوز ليهو بيّاعين للتنباك .. عشان أصلي


يكونوا هنود وجامعيين


وواحد عندو كافتيريا .. خَلّى الحبشة والصومال


قال لبنان وسن عشرين


عاد بنّوتنا باراً جد..مع لبنان واستنطبول


بنات تلقى الشَعر مترين


وما غاليات عِرس الواحدة بي ألفين


ونتبوبر عاد جِنِس بوبار ..كلامنا يكون طرف نخرين


أكيد سوداننا بتطوّر


لو حاكمنا كل سارق ..وكل غدّار بس سنتين


أكيد بترولنا راح يطلع .. وبنسيّروا بالعديل والزين


بس البترول هو ما بنزين..هو الإيمان صحيح ما غِش


هو شرع الله ما تلوين


كيف بترولنا بس يطلع


بترولنا الدهب ..ماسات في المنجم


ومنجّمنا ياهو الدين


الرجوع الى أعلى الصفحة اذهب الى الأسفل
http://dagoo.sudanforums.net
 
يااااااااااااsuger
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبــــــــاب الفنية داجو ميدانى :: الفئة الأولى :: شعراء العصر-
انتقل الى: